HeKo 620 1-C, 23 okt 16
Tiu ĉi spaco estas memmastrumita de la respektiva kandidato, kiu sola responsas pri la enhavo. Ĉiuj kandidatoj al la Senato de la Esperanta Civito rajtas je afiŝo ĉi tie.
Mi naskiĝis kaj kreskis en Asmaro (Eritreo) el familio origine sicilia, sed radikiĝinta en Afriko laŭ tri generacioj. Ekde 1972 mi vivas en Alta Italio, nuntempe kiel kampara ĝentlemano. Kiel afrikeŭropano mi do partoprenas en du civilizoj. Sed mia duunuo estas duobla: mergita en la konkreteco kiel banka kontorestro, levita en la abstrakteco pro miaj spiritaj interesoj, kuplitaj al jogo kaj filozofia profundiĝo. Interalie mi estas trejnisto kaj konsilisto pri hipoterapio.
Mi disponigas al la esperanta popolo mian kvarpolusecon: la administraj kaj financaj kompetentoj por la institucia strukturo; la kono pri la afrika animo por la rilatoj kun la civitanaro en la nigra kontinento; la psikologia sinteno por interagi en la politika konfronto; la amo por la naturo por disvolvi strategion je mezuro de la homaro.
Mi aktivis dum jaroj en la sama politika alo (laika kaj progresema) de aliaj kandidatoj de la Verda Listo edukitaj en la itala lingvo: ne estas do hazardo, se mi sentas min ideale ligita al amikoj Levi, Penacchio kaj precipe Silfer, mia majstro pri esperanto. Ni venas ĉiuj el la sama alo de maldekstro efektiva, sed nek klasisma nek konfesia.
Carmine Dello Spedale
(Verda Listo)
Aldonu komenton