La Direkta Komitato de Centro di Interlinguistica kunsidos venontmonate en Malago, ĉar kvar estraranoj el kvin ĉeestos la andaluzan NAKSE kaj la postan parlamentan sesion.
La kunveno, en hibrida formato, okazos sabaton la 10an de oktobro, je la 19h, en la Dioceza Domo, kie la gastoj de Esperanta Naturamikaro loĝos dum la malaga evento. Fruktodonan kunsidon antaŭvidas la riĉa tagordo, organiza kaj scienca, difinata nuntempe de la komitatanoj de la svisa establo; la Centro naskiĝis ja en Tiĉino la pasintan decembron, heredinte la historion kaj mandaton de Itala Interlingvistika Centro.
Verŝajne novembre sekvos la ĝenerala asembleo de CdI, tiufoje en ties “dua ĉefurbo”, Pavio, koincide kun akademia konferenco organizata de c-ano Giacomo Comincini.