HeKo 640 5-C, 10 apr 17
Sen. Riichi Karibe estas la parlamentano kiu venis al Svislando de plej fora loko: Jokohamo, Japanio. Li pledos por la aprobo de sia leĝopropono pri pacifismo, kies enhavon jam priskribis HeKo 607 4-C. La leĝo konsistus el nur du simplaj, sed fundamentaj artikoloj.
Art.1 (Militrifuzo)
1. La rifuzo soldatservi, tiel en paca kiel en milita tempo, ne estas delikto por la Civita kodo.
2. La civitanoj rajtas individue servi en aŭ por armeo, kvankam tio estas malrekomendinda.
Art. 2 (Manko de militivo)
La Esperanta Civito adoptas por si la principon preskribitan en la Artikolo Naŭa de la Japana Konstitucio: milito ne estas suverena rajto kaj militfortoj ne estu tenataj.
Kvankam tre konciza, ĉi tiu nova leĝo havos grandan politikan signifon ene de Esperantio. La leĝoproponon subskribis ankaŭ Marie-France Conde Rey kaj Giorgio Silfer.
Aldonu komenton