HeKo 733 3-B, 24 apr 20
La 6a Lingva Kolokvo de Kultura Centro Esperantista koncentriĝos en unu tago: la 1a de majo 2020. Tion postulas la epidemia konjunkturo, sed precipe la bezono kupli tra interreto diversajn geaŭskultantojn.
Fizike estos en Chaŭdefono kaj prelegos (ekde 9h00): Perla Martinelli pri “Spikume tra PIV”; Andres Bickel pri “Vortstatistikaj esploroj en PIV”; Giorgio Silfer pri “Esperanta sed ne Esperantia vortaro”; Claude Gacond, anonconta sian omaĝon al Hector Hodler.
Estos ankaŭ skriba kontribuo de Tomasz Chmielik: “La neadekvateco de nia vortaro: endas nova kaloĉaja revolucio”.
Kiuj deziras sekvi la kolokvon skajpe, tiuj anoncu sin tuj al kce ĉe esperantio.net. La Asembleoj de KCE kaj de LF-koop restas kunvokitaj en la koncernaj tagoj.
Aldonu komenton