Literatura Foiro n-ro 340 (aprilo 2026) prezentas al siaj legantoj riĉan mozaikon el kontribuoj, kiuj mirinde kunligas historion, literaturon, muzikon kaj opiniojn, en la kunteksto de nia esperanta kulturo.
La numero malfermiĝas per lirikaĵo de Minosun, Senneĝa vintro, kiu paraleligas nostalgian vintran pejzaĝon el pasinteco kun frosta senviva nuntempo.
Giorgio Silfer daŭrigas la jaran serion pri teatro per Ĉu kabaredo kontraŭ kabareto?, esplorante la originon de la kabaredo de Literatura Mondo en la 1920aj, aparte interesa pri la roloj ludataj de Kalocsay kaj de aliaj ne tiom konataj geaktoroj.
László Krasznahorkai, Nobel-premiito, ĉeestas per fragmento el Satantango, elhungarigita de József Horváth. La teksto pentras agonian socian medion en hungara bieno, tra kies limoj resonas la nuntempaj sociaj krizoj.
Juan García del Río disertas pri Franz Schubert, la “tro frue, tro genia” muzikisto, analizante lian vivon kaj muzikon en komparo kun aliaj famuloj de la epoko.
[legu pli en la retejo de Literatura Foiro]