HeKo 475 8-C, 2 apr 11
Lingvotesta sesio estis anoncita de Kultura Centro Esperantista, partnere kun Esperanta Naturamikaro, por la lasta semajnfino de marto 2011 en Malago.
Aliĝis du personoj: unu el Italio kaj alia el Andaluzio; tamen la dua lastmomente devis rezigni pro eksterlanda foresto, kaj la unua, veturonta al la Esperanto-Domo en Svislando, petis ĉu KCE povus ekzameni ŝin la postan sabaton, en Ĉaŭdefono.
La prokrasto estis konsentita, kaj hodiaŭ c-ino Mariangela Varese sukcese trapasis la lingvotestojn por la nivelo A2 laŭ la Komuna Eŭropa Framo de Referenco, kaj ŝi ricevis la fundamentan diplomon pri esperanto ĉe KCE.
Ni memoru ke nur KCE, laŭ ekskluziva komisio de la Esperanta Civito, ekzamenas laŭ ĉiuj ses KEFR-niveloj, sekve ĝia lingvotesta sistemo estas la sola pri esperanto plene kongrua kun la normoj de Konsilio de Eŭropo kaj de ALTE, kies institucia membro KCE estas jam de 2006.
La venonta LTSEC-ekzamenaro okazos en Italio, dum Pasko 2011. Informoj tra KCE aŭ ankaŭ nia redakcio.
Aldonu komenton