HeKo 420 6-B, 26 jan 10
Kultura Centro Esperantista komunikas ke, je 31 decembro 2009, laŭ la LingvoTesta Sistemo de la Esperanta Civito, estis disdonitaj entute 76 diplomoj.
La diplomoj, laŭ la niveloj, estas: 22 por A1, 17 por A2, 11 por B1, 10 por B2, 11 por C1, 5 por C2. La landoj kun plej multaj diplomitoj estas Togolando, Svislando, Hispanio.
Entute diplomiĝis 17 virinoj kaj 55 viroj (kvin personoj trapasis pli ol unu nivelon): la proporcio estas multe pli favora al viroj en la malaltaj niveloj, dum en la C-grado regas pli da ekvilibro.
Deĵoris kiel ekzamenantoj: gecivitanoj Mensah Attiogbe, Francisko Degoul, Koffi Doumegnon, Koffi Gbeglo, Andrés Martín, Perla Martinelli, Bertil Nilsson, Giorgio Silfer.
La statistiko ne inkluzivas la ekvivalentigojn.
Aldonu komenton