La membrecon en Kooperativo de Literatura Foiro (LF-koop) atestas la posedo de almenaŭ unu kooperativa akcio (france: part sociale), je valoro de ducent svisaj frankoj.
Rajtas aĉeti kooperativajn akciojn, krom tiuj kiuj jam estas kooperantoj:
a) la membroj de la stabo de LF-koop (ekzemple la konstantaj kunlaborantoj de la gazetoj);
b) la abonantoj de “Literatura Foiro”, post la abonado de kvin sinsekvaj jarkolektoj;
c) la personoj kiuj havas la esperantan civitanecon;
d) la establoj aliĝintaj al la Pakto por la Esperanta Civito.
La kooperativa akcio estas persona kaj ne vendebla: nur la kooperativo mem rajtas (re)aĉeti ĝin de eksiĝinta kooperanto.
Konsekvence, la publika aserto de sen. Dieter Rooke “Ĉiu rajtas aliĝi al LF-koop, kaj kundecidi pri ties sorto” estas erara. Nur el la supraj kvar kategorioj povas veni aliĝoj.
(precizigo de LF-koop)
Multaj, sed ne kiu ajn, rajtas membri en LF-koop
HeKo 551 4-B, 5 feb 14
Aldonu komenton