HeKo 738 7-B, 9 jul 20
Naturfreunde Internationale kongresos en Vieno 28 novembro 2020. La dato estas fiksita post interna konsultiĝo, kiun partoprenis ankaŭ Esperanta Naturamikaro. Male, ENa kaj tri aliaj federacioj ne partoprenis en referendumeto pri modifo de la statuto, kiu donas al la estraro la eblon transformi realan al virtuala kongreso.
“Tio povus kuntreni malrespekton de aliaj normoj, unuavice la plurlingveco de la asocio”, opinias nia delegito, Giorgio Silfer. “Se la venonta kongreso okazus nur telematike, partoprenus alia Esperantiano ol mi”, li insistas.
La kongreso interalie pritraktos la promocion de ENa al A-membreco. En la kongreso de NFI du federacioj (aŭstra kaj germana) kune havas la simplan plimulton de la voĉoj.
Aldonu komenton