HeKo 468 8-B, 25 jan 11
Pro subita akcidento al sia edzino, c-ano Francisko Degoul bedaŭrinde ne povos gvidi la Kulturan Monatfinon de KCE en Ĉaŭdefono, 29-30 januaro 2011.
La programo daŭre antaŭvidas la Asembleon de Kultura Centro Esperantista, je 10h00 matene en dua kunvoko. Posttagmeze, la ĉeestantoj koncentriĝos al la strukturo kaj laborprojektoj de la lernejo.
Specialan atenton ricevos la progreso de LTSEC, la lingvotesta sistemo de la Esperanta Civito, inspirita de KEFR, Komuna Eŭropa Framo de Referenco. Studgrupo ekzamenos didaktikajn materialojn, utilajn por la lingvotestado. Interalie okazos la unua esperanta apliko de la ludkartaro “Emocioj” kaj (probable en Eŭropo) la unua esperanta apliko de kamiŝibajo.
Aldonu komenton