La uzo de inventitaj lingvoj (kaj specife de esperanto) por mistikaj, liturgiaj, sekretaj kaj filozofiaj celoj estos la ĉeftemo de la dua numero de “Homarane”, kies aperon LF-koop antaŭvidas por somero 2010.
La nova kajero dediĉos la atenton al la religiaj kaj filozofiaj fenomenoj kiuj utiligas esperanton, analizante ilian evoluon kaj la nunan situacion laŭ scienca vidpunkto.
Sen. Bertil Nilsson, ĉefredaktoro, invitas al kunlaboro: eblas kontakti lin ankaŭ tra nia redakcio, kaj kompreneble per la adresoj en la kolofono de “Homarane” 1. Limdato por la kontribuoj: la Tago de la Esperanta Lingvo.
“Homarane”, kajero en esperanto pri socio, filozofio, religio, interalie respondas al la intelektaj interesoj de la partoprenantoj en religiaj esperanto-movadoj, al kiuj ne sufiĉas la enhavo de la asociaj bultenoj.
Aldonu komenton