Post maloftigo de la elsendoj en nia lingvo, tuj antaŭ la Universala Kongreso en Bjalistoko, Pola Radio lastatempe fermis sian monujon: la rimedoj por la programproduktado estis grave limigitaj kaj en la lasta periodo estis ĉesigitaj la honorarioj por la kunlaborantoj. Tio signifus, ke la esperanto-redakcio de Pola Radio nuntempe konsistus nur el bonvoluloj.
Tio havas bedaŭrindajn sekvojn, nome sen subtenaj financaj donacoj la esperanto-redakcio devos konsideri la limigon de la programenhavo ĝis la informbultenoj kaj trarigardoj de la pola gazetaro kaj la ceteran programdaŭron plenigos ripetoj. Tiujn donacojn la redakcio petas sendi al konto ĉe Universala Esperanto-Asocio en Roterdamo.
Se tiel daŭros, la esperanto-elsendoj de Pola Radio povus evolui al simple privata podkasto. La elsendoj estas (re)aŭskulteblaj je http://www.polskieradio.pl/eo/ Se oni deziras savi la elsendojn, necesas viziti la paĝon: http://www.polskieradio.pl/podcast/39/podcast.xml.
Aldonu komenton