HeKo 643 3-C, 3 maj 17
La Esperanta Civito de multaj jaroj interesiĝas pri geopolitiko specife en rilato kun supernaciaj mondaj projektoj. Tio konkretiĝis interalie per kontaktoj kun mondialismaj medioj, kiel mondcivitanoj kaj mondfederistoj.
Dum sia hieraŭa kunveno la Kapitulo decidis sintezi ĉi tiujn spertojn per politika dokumento, kiu prezentu klare kaj koncize la strategion de la Esperanta Civito rilate al Unuiĝintaj Nacioj. La dokumento estos submetebla ankaŭ al aliaj subjektoj, en kaj ekster Esperantio, por eventuala subskribo aŭ komuna akordo.
La redaktado estas konfidita al la Vickonsulo. La civitanoj interesataj al kunlaboro (ne nur parlamentanoj) povas kontakti lin rekte aŭ tra nia redakcio.
(HeKo 643 3-C, 3 maj 17)
Aldonu komenton