Unu el la du subskribintoj de la Manifesto de Raŭmo elektitaj al la nova estraro de UEA lanĉis proponon por malsovetigi la asocion, kies ĉefburokrato efektive estas iama funkciulo de la komunista partio de Finnlando. Nemezo volis, ke la estrarano (Amri Wandel) rezidas en Israelo, kie la ĝenerala direktoro (Osmo Buller) tute ne volis okazigi la Universalan Kongreson en 2000.
Jen la propono de estrarano Wandel, apogata de komitatano Stefan MacGill, ILEI-prezidanto, kiu draste redimensiigus la povon de la Grandaj Elektantoj:
NOVA TEKSTO EN LA ELEKTOREGULARO
8.1.1. La elekta komisiono metas antaŭ la Komitato ĉiujn valide ricevitajn proponojn kune kun biografietoj kaj intencoj. La nomoj de la kandidatoj aperu en alfabeta ordo.
8.1.2. Por la estrar-elektoj la elekta komisiono rajtas, sed ne devas, rekomendi preferata(j)n konsisto(j)n, kiu(j) liveras kohera(j)n teamo(j)n.
8.1.3. Se la elekta komisiono malakceptas validan kandidatigon, ĝi devas motivi tion en sia raporto. [NdlR: ĝis nun la elekta komisiono ne motivis la rifuzon pri s-roj Schäffer kaj Vergara]
8.1.4. Elektitaj estas tiuj kandidatoj en la listo kiuj ricevis plimulton da voĉoj, sed almenaŭ pli ol duonon de la voĉoj. Se oni ne atingas la koncernan nombron oni aldonas al la listo eventuala(j)n propono(j)n de komitatano(j) kaj revoĉdonas.
Aldonu komenton