Je la 10a de decembro 2009, dum la zamenhofa semajno, la esperantistoj el urbo Razgrad (Bulgario) solene festis la 25-jariĝon de la Esperantista Domo de Kulturo “D-ro Ivan Kirĉev”.
Ĝi estas establita la 11an de novembro 1984, laŭ ideo de la tiama prezidanto de la Distrikta Estraro de Bulgara Esperanto-Adocio en Razgrado d-ro Ivan Kirĉev, kaj estis la dua tia domo en la lando. Post kvin jaroj la Domo jam havis propran senmoveblan bazon por okazigi sian riĉan esperantistan kulturagadon.
Ĉi-vespere en la kafejo “Esperanto” ĉeestis samligvanoj kaj gastoj el diversaj esperantistaj societoj, amikoj al razgradanoj. La nuna prezidantino, sen. Ivaniĉka Maĝarova prezentis la riĉan agadon de la Domo. Ŝi akcentis al la bona kunlaborado kun aliaj kulturaj institucioj en la urbo kaj kun societoj en la lando kaj eksterlando. La ĉeestantoj spektis lumdiskon pri la 25-jara historio de la Domo.
La prezidantino de la loka Esperanto-societo “D-ro Zamenhof” c-ino Radka Stojanova enmanigis orajn kaj arĝentajn insignojn al aktivaj esperantistoj. Razgradanojn salutis, okaze de la jubileo, gastoj el Ruse, Velingrad, Trojan, Sofio kaj Vraca.
Aldonu komenton