HeKo 642 8-A, 30 apr 17
Kiel kuraĝigi la esperanto-familiojn teni la lingvouzon aktiva? Kiel spertigi al denaskuloj la esperanto-komunumon? Kia estas la rolo de Renkontiĝo de Esperantistaj Familioj?
Tiuj kaj similtemaj demandoj estos esplorataj dum seminario en Vroclavo (Pollando) “post dek kvin tagoj”. La precizaj dato kaj adreso ne estas troveblaj en la komuniko de la (supozata) organizanto, Universala Esperanto-Asocio.
Inter la vasta dokumentaro pri denaskismo en Esperantio indas mencii la koncernan numeron de la revuo “Femina”, mendeblan ankaŭ tra nia redakcio.
(HeKo 642 8-A, 30 apr 17)
Aldonu komenton