HeKo 774 8-C, 25 okt 21
La staba agendo de novembro estos aparte plena por la Esperanta Civito. Merkredon la 3an skajpe kunsidos la KEF-teamo de la Abeletoj; merkredon la 10an skajpe kunsidos la komisiono pri bibliotekoj; merkredon la 17an skajpe kunsidos la Kapitulo. La komisiono pri bibliotekoj kunvokis ekspertojn el Hispanio, Katalunio, Francio, Svislando, Hungario.
Deĵoroj de c-ino Manuela Blanco en Malago (Esperanto-Domo) ĝis la 25a, poste en Stokholmo (norda legacio); de c-ino Anna Bartek en Ĉaŭdefono (Esperanto-Domo) ekde la 5a; de c-ino Ĥadiĝa Alieva en Budapeŝto (orienta legacio) ekde la 19a; de c-ano Lucien Kagina en Buĵumburo (Esperanto-Domo) ekde la 30a.
Ekster Esperantio ĉe tegmentaj organizoj la kalendaro registras laborgrupon de Naturfreunde Internationale mardon la 9an (pri EU-subvencioj, kun c-ano Giorgio Silfer) kaj la Asembleon de ALTE ĵaŭdon la 11an (kun c-ino Lorena Bellotti, nome de KCE).
Aldonu komenton