La paperteatro eniras pli kaj pli la esperanto-kulturon, danke al la originale verkitaj kamiŝibajaj fabeloj de Giorgio Silfer. Hieraŭ vespere la esperanta komunumo de Frankfurto-ĉe-Majno malkovris ĉi tiun apartan ĝenron, okaze de la germana premiero de “Albaniva kaj ŝiaj sep nanoj”, fare de la aŭtoro.
Ekestis ankaŭ tre interesa debato pri la femina psiko, en la fokuso ĉe Albaniva. Apartan ŝaton pluraj esprimis por la belaj bildoj de Leonora Torres el Meksiko, kaj por la artmetie konstruitaj kasteledo (el Svislando) kaj frapiletoj (el Japanio).
“Albaniva kaj ŝiaj sep nanoj” ekzistas ankaŭ en itala varianto (Albanice), kaj la aŭtoro estis invitita produkti ankaŭ alilingvajn. Repliko okazos morgaŭ en Ĉaŭdefono, dum la matineo honore al la forpasinta Ljubomir Trifonĉovski.
Aldonu komenton