HeKo 428 7-A, 13 mar 10
La estraro de Tutmonda Esperantista Junulara Organizo kunvokis la Internacian Junularan Kongreson al Kievo, ĉefurbo de Ukrainio (Ukrajno, diris la Akademio de Esperanto en 1987; Malgrandrusujo, diris Zamenhof fundamenteske).
La kongreso disvolviĝos en aŭgusto 2011; samjare la Universala Kongreso okazos en Kopenhago. Estas rimarkinde, ke la dana junularo organizis Kulturan Esperanto-Festivalon pasintjare, sed ne atingis aranĝi TEJO-kongreson venontjare.
Estus oportune, se la kongresa junularo spektus la plej interesan filmon pri la kondiĉoj de la hebreoj en la epoko de Zamenhof: “The Fixer” (en latinidaj lingvoj dublita al “La homo de Kiev”), de John Frankenheimer, Usono 1968.
Aldonu komenton