HeKo 842 2-C, 28 jul 24
Ĉi-semajne en Ĉaŭdefono ĉe KCE ekos staĝo pri tradukado de diplomatiaj kaj internaciaj dokumentoj, rezervita al Civitaj stabanoj; gvidos c-ano Giorgio Silfer, fakulo pri parlamentaj proceduroj kaj internacia juro. Por ebligi la partoprenon per skajpo de stabanoj el Afriko (politika aŭ geografia) la lecionoj okazos posttagmeze.
Per praktikaj ekzercoj la kurso ekzamenos la esperanto-tradukojn de internaciaj formuloj, zorgante pri ilia leksika sed ankaŭ semantika ŝarĝo: ekzemple Konsilio de Eŭropo kaj Eŭropa Konsilio. Oni analizos la procedurojn por normigado ene de tri grandaj supernaciaj institucioj, kun aparta atento pri Konsilio de Eŭropo.
Utila estos ankaŭ la komparado de komunikaj stiloj, pri kio Esperantio malfruas, kvankam la misevoluo en la politika agono (aŭdu la insultojn de Donald Trump kontraŭ siaj adversuloj) retroiras al la komunika subnivelo de iuj (eks)membroj de Akademio de Esperanto.
Aldonu komenton