Tri informadikaj projektoj

Kooperativo de Literatura Foiro bezonas fortigi la softvaran kaj hardvaran platformon, cele al plibonigo de sia nivelo en eldona grafiko. La projekto, subreference de c-ino Perla Martinelli, estas konfidita al s-ro Andrea Lago, Andaluzio. Limdato: 2013 12 31. Financado: LF-koop.

La Esperanta Civito bezonas ĝeneralan flegadon de la platformo por sia oficiala telematika organo, nome la retagentejo HeKo. La projekto, subreference de la vickonsulo pri informado, sen. Julio Herrero, estas konfidita al s-ro Alessandro Villa, Lombardio. Li jam realigis la retejon de Pasvorta Reto (Esperanta Tempobanko). Limdato: 2013 12 31. Financado: Pro Esperanto.

La Esperanta Civito, kunlabore kun LF-koop, planas la realigon de linea gazeto, utila speciale por Afriko. La projekto, subreference de la Konsulo, sen. Marie-France Conde Rey, kaj de la vickonsulo pri financoj, sen. Giorgio Silfer, estas konfidita al s-ro Raffaele Mandaradoni, Lombardio. Limdato: 2014 03 31. Financado: Pro Esperanto.