Andaluzia Esperanto-Unuiĝo (Hispanio) kaj Kultura Centro Esperantista (Svislando) organizas la unuan Andaluzan Esperantologian Semajnfinon, en Málaga, 14-15 novembro 2009. Ĝi estas alirebla por ĉiu persono kiu membras en AEU kaj por ĉiu persono kiu havas la esperantan civitanecon (je la dato 10 aŭgusto 2009).
La unua AESF konkludos la perkorespondan preparon de pluraj personoj por trapasi superajn nivelojn laŭ la LingvoTesta Sistemo de la Esperanta Civito. Specife ĝi kompletigos la trejnadon por B2 / C1-niveloj. Eblas tamen havi paralelan studgrupon kiu preparos por A2-diplomo. Entute ĝis nun anoncis sin jam deko da personoj, preskaŭ ĉiuj el Andaluzio, sed ankaŭ el aliaj regionoj de Hispanio.
Pri la aranĝo responsas sen. Julio Herrero surloke, kaj sen. Giorgio Silfer didaktike.
(fonto: c-ano Ángel Arquillos, prezidanto de AEU)
Aldonu komenton