HeKo 489 5-C, 5 aug 11
La konata PEN-Kluba aktivulo prof. Zeki Ergas gvidis hodiaŭ seminarion pri la lukto kontraŭ paŭperismo en Afriko, kadre de la dusemajna trejnado de kadroj por la Kabinda Respubliko, okazanta ĉe Kultura Centro Esperantista.
Zeki Ergas, inta profesoro en la universitatoj de Berkeley kaj Georgetown, persona amiko de gec-anoj Perla Martinelli kaj Giorgio Silfer, dum dekkvino da jaroj surloke studis la situacion en la nigra kontinento, kaj siajn esplorojn li sintezis en pluraj eseoj kaj verkoj.
“Ni lernis multon pri la perspektivoj de la malriĉeco en Afriko,” diras Joël Batila, kanceliero de Kabindo. “Danke al la profunda kompetento de prof. Ergas, nun ni povas ellabori strategion, aplikeblan kiam la Kabinda teritorio estos finfine sendependa”.
Aldonu komenton