Unuaj iniciatoj de FAR
Fajszi Amika Rondo (FAR), fondita okaze de la unua literatura kafejo de Esperanta PEN-Centro en Budapeŝto, entreprenas jam novajn iniciatojn.
La unua estas esploro pri la postlasaĵo de Georgo Csullog, grava kolektisto mortinta antaŭ kvar jaroj en la hungara provinco. La vickunordiganto de FAR, sen. Anna Bartek, telefone kontaktis la Bibliotekon de Vésztő, por ekscii ĉu la biblioteko de la vilaĝo kie mortis nia kolektisto havas muziko- (kasedoj kaj KD-oj kun E-kantoj), kaj himno-kolektaĵojn.
La direktorino de la Biblioteko informis ŝin, ke la heredantoj unue konsideris ĝin senvalora, sed kiam denove la tiama vilaĝestro volis havigi la du kolektaĵojn al la biblioteko, la heredantoj postuli 500.000 hungarajn forintojn (ĉ. 2.200 svisaj frankoj, laŭ tiama kurzo). La vilaĝestro respondis, ke li tuj pagus 50.000 HUF por ricevi la kolektaĵojn. Tiun proponon la heredantoj ne akceptis.
Tiel ie en iu kelo, kie en ege malbonaj cirkonstancoj situas la kolektaĵoj, la stato de la plimulto ege malboniĝis. Estis ankaŭ tria kolektaĵo el esperantlingvaj gazetoj, kiujn entute ne sukcesis savi la tiama vilaĝestro. La direktorino de la biblioteko informiĝos, chu entute restis saveblaj kasedoj, KD-oj kaj la himnokolektaĵo en la kelo.
La dua iniciato koncernas la eldonon de la Esperanto-Hungara parto de la granda Szerdahelyi-vortaro. Pri tio la kunordiganto de FAR, c-ano d-ro Gyorgy Nanovfszky, kontaktos la disĉiplinon de prof. Szerdahelyi, prof. Ilona Koutny.
[HeKo 516 6-B, 4 okt 12]
