Tria Internacia Junulara Lingvotendaro (IJL)
Inter la 30a de junio kaj 7a de julio estis organizita la 3a Internacia Junulara Lingvotendaro, en Nyíregyháza-Sostó, en la Ĉevalista Klubo. La lingvotendaron organizis s-ino Enikő Zengő Sereghy. La aranĝon partoprenis tridek interesiĝantoj el kvar landoj, kies lingvoj hispana, korea, slovaka kaj hungara estis reprezentitaj.
Antaŭtagmeze en du grupoj disvolviĝis lingvokursoj de esperanto. Por komencantoj instruis s-ro Stano Marĉek per rekta metodo, kun progresantoj renkontiĝis s-ro Rafael Mateos. Tiu ĉi kurso disvolviĝis kiel konversacia rondo. Post la kursoj ni ĉiuj kune kantis kun la gitarakompanado de Stano.
Ĉeestis ankau la kantistino Anjo Amika, kies kantadon la publiko akompanis per aplaŭdoj. Unu kanton kun Anjo kantis la aŭskultantaro.
La posttagmezoj estis dediĉitaj al la vizitoj de la dua plej granda muzea vilaĝo, de la urbo Nyíregyháza mem, de la zooparko; dum unu vespero eblis rajdi ĉevalon.
Dum du vesperoj funkciis libroservo, por ludemuloj estis je dispono tabloteniso, aŭ kiuj volis, tiuj kartludis.
Kompare kun la dua IJL de antaŭ du jaroj, organize, laŭ nombro de partoprenantoj kaj etose, tiu ĉi tria estis pli sukcesa.
Legu pli en Heroldo de Esperanto
(Anna Bartek)
[HeKo 536 4-A, 17 jul 13]
