Partnerecoj kaj projektoj por Esperanta Naturamikaro
Dum sia hieraŭa ordinara kunveno en la Esperanto-Domo de Andaluzio la Komitato de Esperanta Naturamikaro, sub la prezido de sen. Julio Herrero, analizis la situacion de la societo, post la NFI-mondkongreso kaj la renkonto de la junulara sekcio, ambaŭ okazintaj en Ĉeĥio, respektive en junio kaj septembro 2015.
La Komitato konstatis la progreson en la rilatoj ekster Hispanio, speciale kun la itala kaj la svisa naturamikaj federacioj, ankaŭ kun la junulara sekcio. Ĝi ekzamenis diversajn projektojn kaj donis sian aprobon al ilia daŭrigo, sub la kondiĉo ke ĉiu havu apartan responsulon. Tiurilate, ekzemple, c-ano Antonio Vázquez kaj s-ro Danilo Ratti estis nomumitaj kiel reprezentantoj de ENa ĉe la junulara sekcio.
Estas konsiderata la enstatutigon de du novaj klaŭzoj: unu pri la partneroj (asocioj kiuj federiĝas al ENa), alia pri la rondoj (fakoj pri specifa temo, ekzemple flaŭristoj).
La kalendaro de la venontaj semajnoj inkluzivas partoprenon en evento de la italaj naturamikoj lige kun projekto por Bosnio-Hercegovino (11 oktobro 2015), renkonton kun la responsuloj de asturia ekologiisma asocio (por difini partnerecon kaj lanĉi specifan projekton pri biodiverseco), intensivan kurson de esperanto por komencantoj en Malago (26-30 oktobro 2015) zorge de sen. Giorgio Silfer.
(HeKo 580 9-B, 25 sep 15)
