Konvalesko de la vickonsulo pri klerigado
C-ino Perla Martinelli, vickonsulo pri klerigado, konvaleskas en Andaluzio post longa operacio en privata kliniko. Tial ĝis la jarfino ŝi ne povos plenumi taskojn rilate al sia ofico.
Ankaŭ la korespondado pri ŝiaj oficoj en LF-koop lamos. Rilate al Esperanta Naturamikaro, kies sekretario ŝi estas, ŝin anstataŭas la prezidanto, sen. Julio Herrero.
D-ino Martinelli alfrontos duan operacion en januaro 2016, tiel ke dum la du mezaj semajnoj de tiu monato ŝi ankoraŭ forestos konvaleske. Ŝi antaŭdankas pro la komprenemo.
[HeKo 586 3-C, 29 nov 15]
