FEM asembleos en Budapeŝto okaze de ARTE
La ordinara Asembleo de Feminisma Esperanta Movado estas kunvokita al Budapeŝto la 4an de aŭgusto 2016 je 10h00. La Asembleo okazos dum Arta Renkonto Transnacia en Esperanto, kiu disvolviĝas posttagmeze kaj vespere.
En la tagordo, krom la jaraj raportoj, elstaras la rilatoj kun tegmentaj organizoj (Esperanta Civito kaj Internacia Konsilio de Virinoj) kaj kun aliaj instancoj kaj medioj (Internacia Festivalo de Femina Kino, magazinoj kaj aliaj movadoj). Specifa atento estos dediĉita al la nova, virtuala "Femina".
La delegacio de FEM ĉe IKV ĵus proponis organizi en Budapeŝto la eŭropan IKV-konferencon (majo 2016), se la rusa konsilio ne sukcesus aranĝi ĝin. Tiukaze, FEM helpos, kune kun la Orienta Legacio de la Esperanta Civito.
[HeKo 591 9-B, 2 feb 16]
