Komiksa ateliero kompletigis albuman scenaron
Tihomir Lovriĉ kaj Giorgio Silfer gvidis dum JARTE komiksan atelieron kiu, post historia retrospektivo pri la naŭa arto en esperanto, helpis al la realigo de "Esperantio vivas", laŭ projekto financata de la Esperanta Civito.
La bildrakonto kompletiĝis laŭ la intrigo. La protagonistino, Mila Iljeva, Civita senatano, travivas aventuron inter Svislando kaj orienta Eŭropo. Per ĝi la leganto komprenas, kio estas kaj kion celas la Esperanta Civito.
La definitivigo de la scenaro estas planata por la komenco de la venonta aŭtuno, kiam c-ano Lovriĉ restados en Andaluzio, kadre de poligrafia formado.
[HeKo 652 5-B, 20 jul 17]
