Unua majstreco pri esperanto en Ameriko
En Ameriko c-ano Luis Raudón, rezidanta en Akapulko, fariĝis hodiaŭ la unua diplomito laŭ nivelo C2, konforme al la LingvoTesta Sistemo de la Esperanta Civito, la sola kiu ekzamenas laŭ ĉiuj ses niveloj.
La lingvotesta sesio okazis en Meksikurbo, danke al la afabla helpo de la prezidintino de la Meksika PEN. Ekzamenis gec-anoj Perla Martinelli kaj Giorgio Silfer.
Alia kandidato por la majstreco estis c-ino Ana Luisa Velasco. Tamen la komisiono asignis al ŝi nur la kapablecon (nivelo B2).
La diplomojn sendos Kultura Centro Esperantista el Svislando, ĉar ĝi administras la tutan LTSECon.
[HeKo 673 3-B, 1 mar 18]
