Conde Rey nova prezidanto de LF-koop
Laŭ decido alprenita de la ĝenerala Asembleo antaŭ tri jaroj, post c-ino Perla Martinelli la kooperativon prezidos c-ino Marie-France Conde Rey, por la mandato 2018-20.
Temas pri la sola ebla decido okaze de la Asembleo de la 15a de aprilo 2018, ĉar ĝi ne estis kvoruma. Konsekvence ĉiu okupos sian postenon (escepte de la interŝanĝo Martinelli-Conde Rey) ĝis la venonta Asembleo. Tio estas interalie la kazo de c-ano Zlatoje Martinov, kies ĉefredaktado de "Literatura Foiro" longiĝas je unu jaro, anstataŭ tri.
[HeKo 677 4-B, 17 apr 18]
