Renovigado de apartamento en la domo de KCE
La malgranda apartamento Feria, sur la dua etaĝo de la Esperanto-Domo en Ĉaŭdefono, estis komplete renovigita zorge de fondumo Pro Esperanto kiel regio, dum aprilo 2018. La renovigo inkluzivis la kompletan ŝanĝon de la pargeto en la dormoĉambro kaj diversajn riparojn.
La apartamento estas rezervita al luado fare de eksteraj gastoj, kadre de la asocio "Neŭŝatela Turismo".
Por la projekto kontribuis tri volontuloj, el Pollando, Hungario kaj Svislando. Du el ili aktivas ankaŭ kadre de Civila Esperanta Servo, sed ili ĉiuj kunlaboris laŭ rekta interkonsento kun Kultura Centro Esperantista.
KCE ne antaŭvidas plian domflegadon dum ĉi tiu jaro.
[HeKo 678 2-C, 25 apr 18]
