La kvara eldono de Paŝoj surmerkatigata
Estas surmerkatigata la kvara eldono de "Paŝoj al plena posedo" de William Auld. La libron, en aktualigita formo, produktis Kooperativo de Literatura Foiro. Por la ĝisdatigo kaj la enpaĝigo kunlaboris c-inoj Marie-France Conde Rey kaj Perla Martinelli.
Libroservoj kaj privatuloj povas mendi kun forta rabato ĝis la fino de oktobro 2018. Konstantan rabaton ricevas la personoj kiuj havas la esperantan civitanecon kaj la establoj aliĝintaj al la Pakto por la Esperanta Civito.
La premiero de la libro okazos en Budapeŝto, dum unu el la venontaj literaturaj kafejoj organizataj de Fajszi Amika Rondo, sub la aŭspicio de Esperanta PEN-Centro.
La verko estas mendebla tra lf-koop ĉe esperantio.net, aŭ nia redakcio.
[HeKo 692 9-B, 13 okt 18]
