Televida kanalo por la Esperanta Civito
La vickonsulo pri informado, c-ino Perla Martinelli, anoncas ke la Esperanta Civito akiris propran televidan kanalon, kun kultura kaj informa enhavo, libere spekteblan. Ĝi elsendos precipe prelegojn kaj programojn kun kleriga enhavo, en esperanto sed ankaŭ en aliaj lingvoj, depende de la graveco de la prelegoj.
La elsendoj okazos tra Youtube, danke al la kunlaboro de c-ano Luis Raudón, prefekto por Meksiko, kaj lia filo Rodrigo.
Similaj filmoj en Youtube estas jam spekteblaj, pro alies bonvola helpo, ekzemple:
https://www.youtube.com/watch?v=1ez7mZrxRns
https://www.youtube.com/watch?v=PlnHaanag6E
Nun la prezentoj fariĝos malpli sporadaj. Ilia valoro daŭre enfokusiĝos al la enhavo, multe pli ol al la kinematografia tekniko. Ĉiu civitano rajtos proponi propran kontribuon al <informado ĉe esperantio.net>.
(HeKo 701 8-C, 15 feb 19)