PEN-konferenco prokrastita
La eŭropa PEN-konferenco estas prokrastita al 2009: tion decidis la loka organizanto, por ke ĝi koincidu kun la Zamenhofa kaj Literatura Jubileo. La konferenco okazos do meze de julio 2009 en Ĉaŭdefono, laŭ la anoncita programo. Tamen ĝi estos pli enfokusigita al nia literaturo, kaj ne traktos prioritate la perspektivojn de PEN Internacia. Tial ankaŭ la laborlingvoj estos nur du: esperanto kaj la franca; eblos interveni ankaŭ en aliaj lingvoj, sed la dokumentoj estos disponeblaj nur en la menciitaj.
[HeKo 345 1-B, 16 jan 08]
