Aktisto por la Kortumo
La Kortumo de la Esperanta Civito baldaŭ bezonos novan aktiston (france: greffier). Temas pri ofico plenumebla hejme, laŭ la formulo de buralisto, kaj plenumenda plejparte per interreto. Ĉiu kosto estas repagita, sed ne ekzistas honorario.
La ideala kandidato posedas la sekvajn kvalitojn (kun asterisko la necesajn): a)* havas la esperantan civitanecon; b)* estas pli ol 18-jara; c)* scipovas esperanton C-grade (LTSEC-diplomo estus atuto); d) scipovas iun svisan lingvon (prefere la francan) almenaŭ B-grade; e) interesiĝas pri juro (stude aŭ profesie); f) kapablas uzi ordinarajn komputilprogramojn (ekz. Office).
Limdato por kandidatiĝoj: 2 majo 2009. Pliaj informoj riceveblaj tra nia redakcio.
[HeKo 386 6-C, 4 apr 09]
