Kamiŝibajo estas formo de migra teatro originanta el Japanio. En ĝi gravas kaj la teksto kaj la bildoj. En esperanto ne ekzistis tiaj dramoj, ĝis antaŭ kelkaj tagoj Giorgio Silfer originale verkis la unuan, por kiu li serĉas nun desegniston (necesos dek ok koloraj bildoj).

Trankvila kaj serena Asembleo de Kultura Centro Esperantista, en la nova terasetaĝa salono de la Esperanto-Domo, 26 januaro 2013, sub la prezido de sen. Giorgio Silfer. Iomete pli vasta laŭ nombro da reprezentitaj voĉoj, malgraŭ la fizika foresto de kelkaj apogantoj, kiuj fakte estas prezidintoj: Sonja Brun, David Buhlmann, Jean-Jacques Lavanchy kaj Perla Martinelli.

Sen. Dieter Rooke, nome de la Ruĝa grupo, interpelacie rimarkigis: “Dum la inaŭguro de naturamika Esperanto-Domo en Malago aŭskulteblis himno al la andaluzoj. Ĝin kantis nia senatanino Anjo Amika. Mi ne aprobas la naciisman enhavon de la kanto. Tial mi proponas forstreki ĝin el la kantaro en HeKo”.

C-ano István Nemere estis la ŝatata gasto de la tria literatura kafejo organizita de Fajszi Amika Rondo, en Budapeŝto antaŭhieraŭ. Fakte la unua en la sidejo de Landa Fremdlingva Biblioteko, kie situas dokumentaro en 168 lingvoj, inkluzive de la nia, danke precipe al Fajszi-kolektaĵo.

Preamblo
Sen. Dieter Rooke (Ruĝa grupo) demandis pri la rilatoj inter la kvestoro kaj sen. Alphonse Waseka (Verda grupo), koncerne lian nepartoprenon en la senata sesio de oktobro 2012 en Malago.

De jure 

Esperantista Domo de kulturo ” D-ro Ivan Kirĉev” – Razgrad, okaze de la 150-jariĝo de fama bulgara verkisto Aleko Konstantinov (1863-1897), anoncas konkurson por traduko de fragmento el lia plej populara verko “Baj Ganjo Balkanski” el la bulgara en esperanton.

Danke al nerekandidatiĝoj kaj mortoj nur naŭ el dek kvin elirantaj membroj rekandidatas por la Akademio de Esperanto, okaze de la nuna renovigo de la triono, por la mandato 2013-2022. Inter ili estas tri virinoj: Perla Ari Martinelli, Marjorie Boulton, Anna Löwenstein; la ceteraj estas Michel Duc Goninaz, Carmel Mallia, Sergio Pokrovskij, Otto Prytz, Amri Wandel kaj John Wells.

Laŭ magra komuniko de la “elekta komisiono”, la esploro pri kandidatoj al la nova estraro de Universala Esperanto-Asocio ne ŝajnas tre fruktodona:

Ataki literaturan muzeon, ĉar ci (tiel! ne Vi!) malkonsentas pri la esprimo de la verkisto en liaj verkoj, tio jam estas simptomo pri putro de la socio en la lando el kies radikoj devenas tiu artisto monde konata. Sendepende, ĉu la atakantoj legis aŭ ne la verkon de la atakata.

La neregistara organizo “Scio sen bariloj” (SSB) organizos Afrikan Kongreson de Esperanto, kun la helpo de la nordaj [nordiaj? nordhemisferaj? prosperaj (ĉu ekzistas?)] landaj asocioj de UEA.

“La verkisto, vojaĝanto-kreanto de la paco” estas la titolo de ronda tablo kadre de la Internacia Literatura PEN-Konferenco en Bledo (Slovenio), 8-12 majo 2013. La konferenco enhavas politikajn debatojn, poeziajn vesperojn kaj la jarkunvenon de la PEN-Komitato de la verkistoj por paco, kie ankaŭ nia literaturo estas reprezentata.