La pli frua renovigo de la brita Parlamento povas garantii al s-ino May larĝan majoritaton, kondiĉe ke: a) la sama plimulto kiu voĉdonis por la eliro el Eŭropa Unio konsentu pri ŝia strategio en la intertraktado; b) la plimulto de la britoj (kaj precipe de la angloj) firmu pri sia referenduma voĉo de la pasinta junio.

Kiel kuraĝigi la esperanto-familiojn teni la lingvouzon aktiva? Kiel spertigi al denaskuloj la esperanto-komunumon? Kia estas la rolo de Renkontiĝo de Esperantistaj Familioj?

La esprimlibero en Esperantio estas kuplita al la normoj en la landoj kie estas registrita la presaĵo aŭ elsendaĵo. Krome validas la statutoj kaj regularoj de la posedantoj de la koncerna komunikilo, kaj de la tegmentaj organizoj al kiuj ili eventuale aliĝas.

Dum la aprila numero de “La eta Heroldo de KCE” atingis lastatempe sian legantaron, la monata informilo por majo 2017 jam estas presata. Kultura Centro Esperantista per tio akurate komunikas siajn novaĵojn kaj tiujn de la kolektivaj apogantoj Esperanta Naturamikaro, Esperanta PEN-Centro, Feminisma Esperanta Movado, Kooperativo de Literatura Foiro.

Hieraŭ posttagmeze la Parlamento de Eŭropa Unio debatis pri la nova leĝo en Hungario kiu ŝajnas frapi la Centran Eŭropan Universitaton, pri ties normoj koncerne neregistarajn organizojn kaj azilpetantojn, pri la registara sondado kontraŭ EU.

Laŭ invito de Slava Unio, prezidata de d-ro Vojtěch Merunka, prof. Giorgio Silfer prelegos en la internacia konferenco pri interslava lingvo, okazonta en Moravio komence de junio 2017. Li prelegos pri la temo: “La Protokolo de Donostia kaj ties apliko al minorigitaj slavaj lingvoj”.

Post la rezultoj de la prezidenta baloto en Aŭstrio kaj de la ĝeneralaj elektoj en Nederlando, la konfirmo el la hieraŭa verdikto de la franca popolo redonas elanon al la eŭropismo, aŭ almenaŭ al la eŭropemo. Certe ekzistas forta opozicio kontraŭ Eŭropa Unio en la diversaj landoj; sed, male al Anglio, sur la kontinento la plimulto ankoraŭ apogas la ideon de eŭropa integriĝo.

“Se TEJO estus jam registrita ĉe la Komerca Ĉambro, ĝi ricevus du kontribuojn po kvincent eŭroj por sia monkolekto favore al Afriko.” Ĉu aliaj pensis same kiel la du anonimaj mecenatoj kiuj kontaktis fondumon Pro Esperanto, sed retiriĝis kiam ili eksciis ke Tutmonda Esperantista Junulara Organizo ankoraŭ ŝvebas jure?

Pro la transnacia solidareco interna al la Pakto por la Esperanta Civito, kaj pro simpatio al la brazila esperantistaro, en dato 15 aprilo 2017 la ĝenerala Asembleo de LF-koop decidis ankoraŭ preteratenti la malfruon de Sociala Grupo Lexus en la partopagoj pro la aĉeto de “Heroldo de Esperanto”.

La nova Konsulo de la Esperanta Civito, sen. Chamberline Nguefack, kunvokis la Kapitulon por la 3a de majo 2017. La kunveno okazos skajpe, la Kapitulanoj estos konektitaj el kvin landoj: Bulgario, Francio, Hispanio, Italio kaj Kamerunio.

La esperanto-centron de PEN Internacia reprezentos c-ano Zeki Ergas, okaze de la jara internacia konferenco en Bledo (Slovenio), la venontan monaton. Kune kun la alia delegito, sen. Giorgio Silfer (kiu tamen ne partoprenos ĉi-jare, ĉar engaĝita sur alia fronto) li ellaboris diversajn proponojn.