Laŭ ĵusa statistika studo de Stockholm International Peace Research Institute, dum la pasinta jaro sur nia planedo oni elspezis du mil naŭcent miliardojn da usonaj dolaroj por aĉeti armilojn: rekordo de post multaj jaroj, kvankam kompare al 2024 la kostoj altiĝis “nur” je tri procentoj; sed la kresko okazas jam la dekunuan jaron sinsekve.
HeKo 908 2-C, 26 apr 26
La 2an de junio 2001 la Konstitucio de la Esperanta Civito estis promulgita en la urbodomo de Sabloneto (Italio), la 25an de februaro 2002 disvolviĝis la unua Parlamenta sesio en la urbodomo de Loklo (Svislando). Inter tiuj du eventoj, la 15an de decembro 2001 okazis la elektoj por la unua Senata mandato.
Ne plaĉas al la Neŭŝatela kantono kaj respubliko ke Kultura Centro Esperantista estas bone administrata kaj neniam petas subvencion el la ŝtato: ĝiaj impostaj pretendoj, bazitaj nur sur la proprieto de kvaretaĝa domo, malekvilibrigas la spezkalkulon de la neprofitcela societo, cetere neniom helpata de la malnova Esperantio.
Morgaŭ la kutima hebrea delegacio ne partoprenos en la ĉiujaraj festoj pro la Liberiĝo, per la norditala partizana insurekcio kiu markis la finon de la civila milito en Italio, kadre de la dua mondmilito: la oficiala klarigo estas ke temas pri ŝabata tago.
C-ano Bertil Nilsson heredigis al la Esperanta Civito sian privatan bibliotekon, konsistantan el tri libraroj: la esperanta, la plurlingva pri religioj (li estis profesoro pri historio de religioj) kaj diversa en la sveda; ĉio situas ankoraŭ en lia domo proksime al Stokholmo.
HeKo 907 6-C, 23 apr 26
Post kelkmonata aktiveco kiel komisiito pri ISEBA, c-ino Viviana Piccinini estis nomumita hieraŭ vickonsulo pri bibliotekoj kaj sociaj retmedioj fare de la Konsulino de la Esperanta Civito: kadre de la unua delego ŝi aplikos la normojn en direktivo Giordano, kadre de la dua ŝi okupiĝos pri la Civita ĉeesto en Instagram unuavice.
HeKo 907 6-C, 22 apr 26
La hodiaŭa senatokonsulto, kun la partopreno de parlamentanoj el tri kontinentoj, sub la prezido de la Konsulino, Lorena Bellotti, donis la verdan lumon al la leĝopropono Martinelli-Blanco-Giordano, kiun la Konsulino enskribos en la tagordo de la venonta senata sesio, kunvokita al Malago por la 13a de okt
HeKo 907 5-C, 21 apr 26
Hodiaŭ posttagmeze ĉesis bati la koro de granda homo kaj granda raŭmisto, c-ano Bertil Nilsson (1933[1956]-2026), unu el la guruoj de la Esperanta Civito, spirite komparebla al c-ano Leen Deij: memore pri Li okazos funebra akto en la Esperanta Panteono de Ĉaŭdefono, 1 majo 2026.
Aĉetite de fonduso Pro Esperanto en septembro 2025 kaj rebaptite kiel Skandinava Esperanto-Domo (SED), la konstruoj en Lesjoforso ricevis ĉi-monate la ekspertizon de faka entrepreno rilate al la tegmento, prepare al la baldaŭa deĵoro de triopa (eble kvaropa) patrolo de Civila Esperanta Servo, kiu estos tie por ripari, purigi, ordigi.
La aprila numero de “Heroldo de Esperanto” (n-ro 2376) enhavas la tutan oficialan prelegon de c-ano Giacomo Comincini okaze de grava konferenco en Tesaloniko, en interuniversitata aranĝo: la prelego klarigis anglalingve al neesperantistaj fakuloj la aplikon de socikono en Esperantio, specife en LTSEC, la sola lingvotesta sistemo kiu a) inkluzivas ĝin, b) proponas ĉiujn ses nivelojn laŭ Ko
Ekde hodiaŭ la Unesko-komisiono de Aŭstrio inkludas kvar novajn objektojn en la kulturheredaĵo de la lando (cent okdek du entute): apud la Pinzgau-legendoj, la permana oraĵfabrikado, la uzo kaj disvastigo de la brajla skribo estas ankaŭ la esperanto-kulturo en Aŭstrio.
La brazila prezidantino de la Junulara, Ana Ribeiro, publike ĵus anoncis: “Komence de 2026, TEJO havis ses dungitojn. Nuntempe TEJO ankoraŭ havas kvar dungitojn: komunikisto, ekstera rilatisto, ĝenerala direktoro kaj kunordiganto de volontuloj. Pro la financaj malfacilaĵoj la jenaj pozicioj estos finitaj ĝis la fino de aprilo 2026: komunikisto kaj ekstera rilatisto.
