HeKo 504 4-C, 17 apr 12
HeKo 504 3-C, 16 apr 12
Estimata Konsulino,
La granda verkisto Jules Verne de tempo al tempo estis profeto. Unu profetaĵo situas en la romano “Voyage d’étude”. Li skribis pri lando en Afriko proksima al la rivero Kongo. En la lando oni parolas esperanton. Mi venas de tiu lando, kies nomo estas Kabindo. Mi estas la kanceliero de la Kabinda Respubliko.
HeKo 504 2-C, 16 apr 12
Per la unua sesio de la Senato de la Esperanta Civito, sub la prezido de la nova Konsulo, Marie-France Conde Rey, ekis hodiaŭ en Loklo la tria mandato de nia leĝodona instanco kun proporcia reprezento.
HeKo 504 1-C, 16 apr 12
Ĉi-matene okazis la unua kunveno de la Forumo de la Esperanta Civito dum la nova mandato, en la mirinda konsilia salono de la urbodomo de Loklo (Svislando), la sama kie disvolviĝis la unua parlamenta sesio, fine de februaro 2002.
En 2013 Esperanta PEN-Centro modifos sian statuton: la membraro konsistos el du kategorioj — ordinaraj kaj korespondantaj societanoj. Tio ebligos al la kreskanta nombro da PEN-anoj kiuj forlasas la respektivajn centrojn aliĝi al centro kies literaturan lingvon ili ne parolas, aŭ aliĝi samtempe kaj al la esperanta kaj al alilingva.
Feminisma Esperanta Movado jarkunvenis hodiaŭ en Ĉaŭdefono, sub la prezido de sen. Marie-France Conde Rey.
La kunveno honoris per unuminuta silento gec-anojn Leen Deij kaj Nelly Holevitch, membrojn de FEM kiuj forpasis pasintjare.
Preskaŭ samtempe kun la forpaso de John Francis, la lasta reprezentantino de la generacio de 1924a, Marjorie Boulton, estis trafita de apopleksio. De tiam ŝi estas flegata en hospitalo apud Oksfordo. Ŝi ne povas paŝi sen helpo de flegistino, tamen la menso ne ŝajnas tuŝita.
HeKo 503 6-C, 14 apr 12
Fondumo Pro Esperanto havas ekde hodiaŭ kvarpersonan estraron: la Fonduma Konsilio kooptis c-anon Carmine Dello Spedale, ratifante ĵusan decidon de la Kapitulo.
HeKo 503 6-C, 13 apr 12
Edmond Privat (1889[1902]-1962) mortis antaŭ kvindek jaroj, kaj studajn tagojn omaĝe al li organizas ĉi-semajnfine Kultura Centro Esperantista en Ĉaŭdefono.
HeKo 503 5-C, 12 apr 12
Ekde hodiaŭ la Kapitulo de la Esperanta Civito kunsidas en la Esperanto-Domo de Svislando. Tio signifas ke ĉiutage, kiam estas necese, la ĉeestantaj membroj de la Civita “registaro” diskutas kaj alprenas decidojn, lastfoje sub la prezido de sen. Giorgio Silfer, eliranta konsulo.
Kiu estas la esperantlingva kanto plej deŝutita en Youtube? Kompreneble “La Espero”, ankaŭ ĉar amaso da vizitantoj interesiĝas ĝenerale pri naciaj kaj oficialaj himnoj: ĉirkaŭ 26.000 deŝutoj.
Dualoke situas “La bambo”, kiu per si mem estas tre populara kanto originale: ĉirkaŭ 22.000 deŝutoj.
En la XXI jarcento la ekonomia panoramo de Esperantio riĉiĝis je nova elemento. La privata iniciatemo ne limiĝas plu je eldonado kaj instruado, sed plugas tute novajn kampojn.
