Jen la rezultoj de la Internacia Literatura Konkurso EKRA-2007, organizita de la Esperantista Domo de Kulturo “D-ro Ivan Kirĉev” — Razgrado (Bulgario), aliĝinta al la Pakto por la Esperanta Civito, sub la aŭspicio de la revuo “Literatura Foiro”.

Poezio
Unua premio: Jaroslav Krolupper (Ĉeĥio)

Post naŭ sukcesaj konkursoj (1998–2006) la redakcio de La Ondo de Esperanto invitas al partopreno en la deka Internacia Fotokonkurso. En la fotokonkurso rajtas partopreni ĉiu fotemulo amatora aŭ profesia, sendepende de la loĝlando kaj lingvokono. Unu persono rajtas partopreni per maksimume kvin fotoj. La minimuma formato estas 15×20 cm.

Antaŭ cent jaroj aperis ĉe Hachette 500-paĝa volumeto: Kastelo de Prelongo, la unua romano originale verkita en esperanto. Ĝia aŭtoro, Henri Vallienne, estis, laŭ atesto de Carlo Bourlet, alt-kreska, fortika, larĝŝultra viro, kun sufiĉe longaj haroj kaj barbo, griznigraj, akrevidantaj okuloj, severa mieno.

La lastatempa fiasko de s-ro Giuseppe Grattapaglia pri la adopto de esperanto kiel dua lingvo en Rotario Internacia (kiu nun uzas jam dek du!) donas la okazon emfazi la diferencon inter finvenkismo kaj raŭmismo – kiuj origine estas du malsamaj strategioj pri la disvastigo de esperanto.

Prof. d-ro Geraldo Mattos lasos la prezidon de la Akademio de Esperanto: li retiriĝas post tri mandatoj, kvankam li rajtus rekandidatiĝi. Lin anstataŭos prof. d-ro John Wells, unusola kandidato.

La nova Estraro de Universala Esperanto-Asocio konsistos el gesinjoroj Probal Dasgupta, prezidanto; Ranieri Clerici kaj Claude Nourmont, vicprezidantoj; Barbara Pietrzak, ĝenerala sekretario; Marija Beloševic (faka agado, informado, ktp), Loes Demmendaal (financo-administrado), Hori Jasuo (landa agado, edukado, kulturo), José Antonio Vergara (strategio, lingvopolitiko, movada evoluo, sci

Speciala rigardo al la literaturoj kaj la kinematografio en Eŭropo karakterizas la numeron 227 (junio 2007) de “Literatura Foiro”, kiel literatura revuo en esperanto la unusola  aperanta, kaj de pli ol 30 jaroj (jam la 38a). Tri libroj specife altiras la atenton, antaŭ ne longe esperantigitaj.

Gian Carlo Fighiera, aĉetinte de Teo Jung la gazeton “Heroldo de Esperanto” en 1961, fakte malrespektis ĝian tradicion. Ni faru kelkajn komparojn.

La Dua de Junio, naskotago por nia lingvo kaj datreveno de la promulgado de la Ĉarto de Sabloneto, invitas al medito pri la evoluo de la esperanto-mondo. Mi okupiĝos pri unu specifa demando.

En la mondo akriĝas la kontrasto inter nordo kaj sudo. Kaj en Esperantio la kontrasto inter Eŭropo kaj Afriko sekvas la saman makrosocian paradigmon.

Virinoj en politiko – jen la ĉeftemo de la junia numero de “Femina”, kiu proponas buntan bukedon de artikoloj, eseoj, intervjuoj, atestoj pri aktivaj politikistinoj.

Dimanĉon la 27an de majo la itala EU-parlamentano Marco Cappato kaj liaj kunlaborantoj estis agresitaj en Moskvo fare de ultranaciisma grupo. La parlamentano de la Radikala Partio, konata pro sia agado favore al esperanto, estis iranta kun delegacio kiu, sen flagoj kaj aliaj eksteraj signoj, volis liveri leteron al la urbestro de Moskvo.

La Tria Mondo estas en la fokuso de la unua paĝo de la sesa ĉi-jara numero de “Heroldo de Esperanto”. Post intervenoj de sen. Chamberline Nguefack kaj de d-ro Probal Daŝgupta, la gazeto komparas la strategiojn de UEA kaj de la Esperanta Civito en la Tria Mondo. En interna paĝo aperas komentarioj de c-anoj Gbeglo Koffi, Prince Henry Oguinye, Antoine Kouablan kaj de s-ro Jean Codjo.