HeKo 522 2-C, 12 dec 12
La Kapitulo de la Esperanta Civito kunvenis hieraŭ sub la prezido de la Konsulo, sen. Marie-France Conde Rey. Partoprenis sep el la naŭ membroj, kaj la kunsido havis ankoraŭ parte eksperimentan signifon, pro la unuafoja skajpado fare de kelkaj. En la tagordo reliefis Afriko kaj Pasvorta Reto.
Per la decembra numero 260 kompletiĝas la 43a jarkolekto de “Literatura Foiro”, la plej longe kaj senpaŭze aperanta kultura revuo en esperanto, fondita de la literatura rondo “La Patrolo” en 1970.
Poezio proponas versojn de Carmel Mallia kaj Elena Popova, kaj uverturon de Anonima.
Klerigi la junularon pri la esperanto-literaturo per ludo: chu eblas? Tion almenaŭ klopodos fari Giorgio Silfer, kontribuante al la programo de la 4a JES — Junulara E-Semajno en Naumburg-Saale (Germanio). Li elpensis ludon bazitan sur la klasika tombolo, tradicia en kelkaj eŭropaj landoj, dum la jarfinaj festotagoj.
Kiel kunprezidanto de Svisa Esperanto-Societo ŝi ne volis ke eŭropa esperanto-kongreso okazu en Svislando, sed kiel vizitanto de Afriko ŝi pretas kunorganizi grandskalan kongreson en alia kontinento.
La agentejo Kosmo Strategio Ltd, estrata de s-roj Francesco Maurelli kaj Brunetto Casini, helpas por liveri projektojn, precipe de seminarioj, financotaj de Eŭropa Unio.
Venontjare la Akademio de Esperanto renovigos trionon de sia membraro, laŭ statuta kadenco. Pro la ĵusa forpaso de Laŭlum kaj Simonnet vakas du kromaj postenoj, tial necesos elekti dek sep personojn.
D-ro Vilmos Benczik estis la gasto de la dua literatura kafejo, organizita hodiaŭ en Budapeŝto de Fajszi Amika Rondo, ĉe la Domo de Nacioj. Dum la lastaj jaroj d-ro Benczik, instruisto en altlernejo, malofte prelegis en Esperantio, tial lia aktiva rolo estis aparte rimarkinda.
Denove ruĝa lumo kontraŭ László Szilvási fare de la demokrata asembleo de Hungaria Esperanto-Asocio, kunveninta 11 novembro 2012.
La membroj de la klubo “Juna ĵurnalisto” ĉe la Gimnazio pri Natursciencoj kaj Matematiko en Vraca (Bulgario) organizis renkonton kun la ĉefredaktoro de la revuo “Literatura Foiro”, Ljubomir Trifonĉovski, je 30 oktobro 2012, pri la bona ĵurnalistiko.
Laŭ gazetara komuniko dissendita el Roterdamo, “La alparolo de UEA en la 5a Forumo pri Minoritatoj en la Palaco de Nacioj [Ĝenevo 27-28 novembro 2012] okazis en Esperanto: Stefano Keller legis kaj Cesco Reale interpretis hispanen, alineon post alineo.
El la tuta neŭŝatela kantono nur unu establo aganta en la sektoro de la “parahôtellerie” (preskaŭhoteleco) estis akceptita en la tuttaga seminario organizita de la Svisa Turisma Federacio en Bielo, 28 novembro 2012: Kultura Centro Esperantista, reprezentata de gec-anoj Giorgio Silfer, prezidanto (kaj kvalitomanaĝero, laŭ pli frua kurso), kaj Jun Liu, sekretario.
La biografio de Lazaro Ludoviko Zamenhof, kies verkadon sen. prof.
