Okazintaj kaj okazantaj telekonsultoj ĉe la Senato kaj la Forumo utilas por prepari la tagordojn de la Parlamenta sesio en la Milana metropolo fine de decembro, almenaŭ rilate leĝojn kaj direktivojn, kiuj ja transiris la limdaton por livero; male, rezolucioj kaj rekomendoj estas livereblaj ĝis la lasta minuto, indikota de la Konsulino.

Kooperativo de Literatura Foiro enkondukas novan, pli profesian teknikan infrastrukturon: la preparo de “Literatura Foiro” migris al pli moderna softvaro, kiu malfermas novajn eblojn por vektora grafiko, fotoretuŝoj kaj enpaĝigo, aldone al la plurfunkcia strukturo por produkti afiŝojn, reklampaĝojn kaj sociretejajn enhavojn kongruajn kun la grafika identeco de LF.

Esplora Instituto de Esperantologio ĝojas anonci la kurson de prof. Ilona Koutny por la katedro de lingvistiko: temas pri unusemestra kurso pri esperanta lingvistiko, kiu ekos per la semajno 17-22 aŭgusto 2026 en la Helvetia Esperanto-Domo de KCE kaj daŭros telematike laŭ kalendaro fiksota de la docentino kun la studentoj (principe duhora lekcio en ĉiu dua semajno).

Pli kaj pli longa la tagordo de la Foruma sesio 2025: la Konsulino ĵus anoncis proponon de amendoj al direktivo Mühlemann kun aplika reglamento; jam preta de pluraj monatoj, kun granda malfruo la propono fine estis liverita (de c-ano Giacomo Comincini, delegito de “Literatura Foiro”) ĝuste en la lasta tago.

Lorena Bellotti, Konsulino de la Esperanta Civito, anoncas rezolucion proponitan de c-ino Viviana Piccinini (delegitino de FEM) kaj diskutotan dum la venonta Foruma sesio, al kiu la paktinta establo prezentos enkondukan raporteton.

Dum la 6^a Virtuala Kongreso de Esperanto du establoj sinprezentos okaze de la Virtuala Movada Foiro, la 4^an de decembro 2025: temas pri Literatura Foiro, reprezentota de c-anoj Alessio Giordano kaj Giacomo Comincini (je 09h30 CET, ĉe la virtuala budo 2), kaj Esperanta Naturamikaro, en ĉeesto de de gec-anoj Carlos Spinola kaj Manuela Blanco (je 21h30 CET, ĉe la vir

La Fonduma Konsilio estas kunvokita al Ĉaŭdefono ĉe la Helvetia Esperanto-Domo, lundon la 1^an de decembro 2025 je 17h00; unuafoje en ĉi tiu parlamenta mandato partoprenos ankaŭ la reprezentanto de la Kapitulo (art. 28, par. 2 de la Konstitucio de la Esperanta Civito),  Vickonsulo Manuela Blanco kiel anstataŭanto de la Konsulo.

La buĝeto 2026 publikigita de la Universala donas surprizajn informojn: ĉe la oficistaro, la oficeja domo, la eldonaĵoj, kiuj estas parto de la kostoj; sed ankaŭ ĉe la rimedoj – el tiu buĝeto oni deduktas ke en 2026 okazos nek vendo nek transloko, kvankam UEA anoncis la vendon de Nieuwe Binnenweg 176, vakigota ĝis aprilo 2026 plej malfrue.

Liveri proponojn de leĝo aŭ direktivo (inkluzive amendon de ekzistanta) eblas nur ĝis la 27a de novembro, konsidere ke la 28a estas la lasta tago dum kiu la Konsulino povas deklari la proponon ricevebla kaj anonci ĝin por senatokonsulto aŭ forumokonsulto, kiuj ĉesus la 28an de decembro 2025: mankas entute nur kvar tagoj.

Lorena Bellotti, Konsulino de la Esperanta Civito, anoncas rezolucion proponitan de c-anoj Herman Deceunink kaj Giorgio Silfer (delegitoj de HdE) kaj diskutotan dum la venonta Foruma sesio, al kiu la paktinta establo prezentos enkondukan raporteton.

Lorena Bellotti, Konsulino de la Esperanta Civito, anoncas rezolucion proponitan de sen. Perla Martinelli (verda grupo) kaj diskutotan dum la venonta Senata sesio, al kiu la HeKo-redakcio esprimos formale sian vidpunkton, post eventuale antaŭaj precizigoj kiel komento sub ĉi tiu komuniko.

Kara Konsulino,

En novembro 1939 Sovetunio agresis Finnlandon, kiu rifuzis cedi al Stalin parton de sia teritorio: Finnlando sin defendis kuraĝe kaj sagace, ankaŭ helpe de terure frosta vintro, sed en marto 1940 kapitulacis kontraŭ kvante tro forta malamiko; intertempe la okcidenta fronto vivis sian drolan militon, kun francoj kaj britoj kantantaj dulingve: