La virtualaj kongresoj ne ŝajnas daŭropovaj: tion oni rajtas konkludi el diversaj publikaj deklaroj de organizintoj. Oni jam sciis ke ili signifas gravan financan perdon, precipe por la Universala: mankas makleroj ĉe hotelmendoj, vendoj ĉe libroservo, altaj aliĝkotizoj (“estis granda la impreso / ĉar kotizo estis ŝtel”…” kantis Gianfranco Molle) kaj tiel plu.

La monato majo vidas intensigon de la trejnado de novaj stabanoj, en la diversaj tavoloj de la Esperanta Civito. Aktivuloj el tri kontinentoj estas preparataj, por malsamaj taskoj en malsamaj kuntekstoj. La plej malfacila koncernas azerinon, selektitan por la orienta legacio. La plej atendata estas la spertigo de burundiaj aktivuloj.

Ŝajnas ke nur Itala Interlingvistika Centro organizos omaĝon al prof. Alessandro Bausani (1921[1955]-1988), ĝuste en la tago kiam li iĝus centjara, 29 majo 2021, kaj en urbo kiu aparte plaĉis al li: Mantuo. En kies provinco, en la renesanca perlo nomata Sabloneto, 2 junio 2001 estis promulgita la Konstitucio de la Esperanta Civito.

Islama Esperanta Klubo kaj Afrika Esperanto-Instituto havas siajn nomojn kaj blazonojn sur la bela ŝildo de la Tanganika Esperanto-Domo en Buĵumburo, ĵus fiksita al la ekstera muro. Iliaj stabanoj donas tempon kaj energion al la Domo, administrata kaj flegata de la Esperanta Civito pere de Pro Esperanto kiel regio.

Kadre de la rilatoj inter ALTE kaj Konsilio de Eŭropo, en novembro 2020 la Esperanta Civito pere de KCE partoprenis en la laborgrupo LASLLIAM (Alfabetigo kaj sekundara lingvolernado por la lingva integrigo de adoltaj migrantoj).

En Pollando la 3an de majo 1791 estis promulgita la unua moderna konstitucio en Eŭropo, kiu vekis grandan alarmon ĉe la najbaraj regnoj, ne same demokratiaj. Tio kondukis al la agreso kaj aneksado de la tuta restanta pola teritorio, fare de Rusio, Prusio, Aŭstrio; la politika incendio en Pollando deturnis la atenton el Francio, kie disvastiĝis multe pli granda revolucio.

La ĝenerala Asembleo de la kooperativo de Literatura Foiro, kunveninta hodiaŭ en la Esperanto-Domo de Svislando, sub la prezido de sen. Marie-France Conde Rey, aprobis la enfokusigon de la agado de la Librofako. Fakte kvin titolojn aprobis definitive la kooperantoj.

Sen. Lorena Bellotti estas la nova prezidanto de Kultura Centro Esperantista, elektita hodiaŭ per aklamado fare de la ordinara Asembleo de KCE. En la Komitato dum la nova mandato (2021-23) ŝin akompanos gec-anoj Perla Martinelli (vicprezidanto), Anna Bartek (sekretario) kaj la alektitaj Vincent Chatagny kaj Marie-France Conde Rey.

Dekduo da partoprenantoj reale, plus aliaj virtuale, debatas pri terminologio dum kvar tagoj en Ĉaŭdefono, okaze de la 7a Lingva Kolokvo organizita de Kultura Centro Esperantista (28 aprilo — 2 majo 2021). La klerigaj prezentoj alternas al komitatkunvenoj kaj asembleoj, de KCE, LF-koop, IIC kaj la LF-redakcio.

Kurtenoj ĉe la fenestroj en la ĉambroj, komforta duopa lito en la konsula ĉambro, tre belaj tablo kaj seĝoj por ok personoj en la ĉefa manĝoĉambro, ligna podio por la prelega angulo en la konferenca salono (ĉio konstruita danke al surlokaj artmetiistoj): jen kelkaj novaĵoj dum la unua semajno de la deĵoro de c-ano Tihomir Lovriĉ en la Tanganika Esperanto-Domo en Buĵumburo, ĉefurbo de Burundio.

Hieraŭ kunsidis reale la teamo de la “abeletoj” en la Esperanto-Domo de Svislando, kun partoprenantoj el la franca, hispana, hungara kaj itala lingvaj areoj, sub la kunordigo de sen. Manuela Blanco, por difini la programon de Kultura Esperanto-Festivalo 2022 en Ĉaŭdefono, sub la egido de la Esperanta Civito, per la organizo de Studenta Esperanta Ligo kaj Kultura Centro Esperantista.

Ŝvebadas la nigra nubo de sanga konflikto en Norda Irlando, dum la Parlamento de Eŭropa Unio fine ratifas la akordon pri la brita secesio. Unu el la konsekvencoj de tiu ratifo estas, ke la uzo de la angla kiel oficiala EU-lingvo fariĝas nelegitima.