La lasta artikolo de direktivo Maĝarova pri la administrado kaj flegado de Esperanto-Domoj, aprobita de la Forumo 9 aŭgusto 2021, invitas la paktintajn establojn kongruigi siajn statutojn aŭ asembleajn decidojn al la direktivo mem. Tio validas nur en kazo de kontrakto pri domflegado inter la paktinto kaj fondumo Pro Esperanto.

Du membroj de la Kapitulo plenumis mision en Svedio dum la lasta parto de aŭgusto: la vickonsuloj pri financoj kaj pri socialaj aferoj. Ilin tre sindediĉe helpis la asistanto de la Norda Legacio, malgraŭ sia konvaleska stato; c-ino Manuela Blanco restadas dum pliaj du semajnoj en la teritorioj de Stokholmo kaj Upsalo, por daŭrigi la helpon al c-ano Bertil Nilsson.

La natura evoluo de konfederacio al federacio, kiu kondukis al la unua secesia malpaco (kun la eksiĝo de Britio), estas kreanta tre delikatan momenton inter la Parlamento (proporcie elektita de la popoloj) kaj la Komisiono.

Ĉi-somere Kultura Centro Esperantista organizis du lingvotestajn sesiojn, por praktike ĉiuj ses niveloj (LTSEC estas la sola kiu enhavas ĉiujn pri esperanto); ili okazis en la Esperanto-Domo de Svislando, respektive ĉe la norda legacio de la Esperanta Civito, en Svedio. Kompreneble ĉeestis fizike kaj la ekzamenantoj kaj la ekzamenatoj: LTSEC tute ne praktikas telematikajn surogatojn.

Se la milito en Vjetnamio estis la unua historia malvenko de Usono (kaj eventuale de SEATO), tiu en Afganio estas la unua historia malvenko de NATO. Ekzamenante la kaŭzojn de ĉi tiu kapitulaco, indus komenci per anekdoto, aŭdita en Budapeŝto en 1971.

Simile al Wehrmacht en Alta Italio fine de aprilo 1945, inter akutaj konstrastoj en la ĉefstabo Universala Esperanto-Asocio kapitulacas antaŭ la historio. La komparo kun la germana armeo originas de Osmo Buller, kiu ĵus publike deklaris: “en 1940 nazia bombardado detruis la urbokoron de Roterdamo; nun simila bato minacas la koron de UEA”.

Danke al KCE kaj ĝia Esperanto-Domo en Ĉaŭdefono, Svislando gastigis dek unu sukcesajn esperanto-aranĝojn en unu monato: kurso por formado de stabano, du kursoj pri tradukado, kurso por lingvokomencantoj, Esperantologia Fakultato, Komitatkunveno de KCE, Asembleo de la Esperanta PEN, Asembleo de Feminisma Esperanta Movado, simpozio honore al Eŭgeno de Zilah, lingvotestaj sesioj (de A1 al C1), pa

Danke al donacoj al Afrika Esperanto-Instituto (tra KCE-konto en Svislando), en la Tanganika Esperanto-Domo de Bujumbura eblis la unua Oranĝa Renkonto de afrikaj esperantistoj, organizita de la vicadministranto de AEI, c-ano Lucien Kagina, 21 aŭgusto 2021. La renkonto koincidis kun la fino de lia nuna deĵorado en la Domo.

Kultura Centro Esperantista organizis ĉi-semajne en Ĉaŭdefono simpozion honore al Eŭgeno de Zilah, kun realaj ĉeestantoj kaj telematikaj kuplitoj: partoprenis personoj el tri kontinentoj, interalie du vickonsuloj de la Esperanta Civito kaj du estraranoj de la Universala. Aparte aprezaj pri la alta nivelo de la prelegoj estis la vortoj de UEA-vicprezidanto, s-ro Trezoro el Popola Ĉinio.

Mag. Sacha Giordano per kurso pri ĝenerala lingvistiko kaj d-ro Giorgio Silfer per lekcioj pri la esperanta teatro realigis tre interesan Esperantologian Fakultaton 10-15 aŭgusto 2021 ĉe Kultura Centro Esperantista en Svislando, kun la fizika partopreno de deko da studantoj el ses eduklingvoj: bulgara, franca, hispana, hungara, itala, kroata.

“Kiam venos la fina decido de UEA pri la Centra Oficejo, ni komencos plani la translokiĝon kaj la estontecon de TEJO en Roterdamo.” Tiu ĵusa publika deklaro de la TEJO-estraranino Klara Ertl pruvas ke la destino de la Junulara estas subiĝi al kaj dependi de la Universala.

Manke de la Fina Venko, la fina vendo de la sidejo de la Universala en Roterdamo surprizis la Junularan. “En la estraro [de TEJO] ni jam longe aŭdis “klaĉojn”, sed la koncernan dokumenton ankaŭ ni vidis nur en aŭgusto. Ne estis oficiala komuniko al la TEJO-estraro antaŭ la sendo de tiu dokumento al komitatanoj” konfesas unu el la TEJO-estraranoj.