Heroldo Komunikas | Heroldo Komunikas

Post la deklaracio en Berlino

HeKo 326 9-C, 26 mar 07

Eŭropa Unio estas unu el la temoj pri kiuj plej klare esprimiĝas la diferencoj inter la diversaj grupoj en la Senato de la Esperanta Civito, kiel pruvis la deklaroj dum la balotkampanjo.

"La infana raso" deklamita de William Auld

HeKo 326 8-C, 25 mar 07

LF-koop estas produktanta duoblan KD-on kun la tuta teksto de “La infana raso”, deklamita de William Auld, kun interesa kaj aparta muzika fono por ĉiu ĉapitro. Auld surbendigis sian ĉefverkon en ekskluziveco por LF-koop en 1999. La produktado realiĝis parte en Meksiko parte en Eŭropo, okaze de la 50a datreveno de la unua eldono.

Nepalo malfermas la pordon de Azio

HeKo 326 7-C, 25 mar 07

Situas en Nepalo la unua azia establo kiu petis la aliĝon al la Pakto por la Esperanta Civito. Jogambara Instituto de Esperanto, registrita en Katmanduo, estis unuanime akceptita de la Forumo en Bruselo la 19an de marto 2007. Ĝia prezidanto Gambhir Man Shrestha jam havis la civitanecon, petitan tra la redakcio de “Heroldo de Esperanto”, kies abonanto li estas delonge.

Komuna Integrita Biblioteka Sistemo de Esperantio

HeKo 326 6-C, 24 mar 07

La Komuna Integrita Biblioteka Sistemo de Esperantio (KIBS) estas starigita per direktivo ĵus aprobita fare de la Forumo de la Esperanta Civito.

Zamenhofa Literatura Esperanto-Jubileo 2009

HeKo 326 5-C, 23 mar 07

La Forumo de la Esperanta Civito, kunvenanta en Bruselo la 19an de marto 2007, rezoluciis unuanime ke en 2009 estu festataj tri jubileoj. La rezolucio, proponita de la delegitoj de LF-koop,

memorante
ke la esperanta popolo kutimas festi jubileojn lige kun la naskiĝo de Lazaro Ludoviko Zamenhof aŭ la apero de la Unua Libro, dum ĝi ne kutimas jubilei pri aliaj eminentuloj;

Tri kontinentoj en la estonta Kortumo

HeKo 326 4-C, 22 mar 07

La arbitracia instanco kiu oﬁcos ekde 1 marto 2008 pruvas la tutmondiĝon de la Esperanta Civito, kie kvin el la nunaj 22 paktintaj establoj situas ekster Eŭropo: Afriko, Ameriko, Azio. Kaj unu kortumano rezidas en Oceanio.

Sukcesa parlamenta sesio en Bruselo

HeKo 326 3-C, 21 mar 07

En la tre digna kadro de salono afable disponigita de la Eŭropa Parlamento en Bruselo (palaco Altiero Spinelli) okazis la inaŭgura sesio de la nova Civita Parlamento, sub la prezido de Ljubomir Trifonĉovski (jama Vickonsulo) kaj Giorgio Silfer (nuna Konsulo) 19 marto 2007. Sekvis specifaj aŭdiencoj kun EU-parlamentanoj de la liberalreformisma, socialista kaj kristandemokrata grupoj.

La Kapitulo kunvenos en Bruselo

HeKo 326 2-C, 13 mar 07

La nova Kapitulo kunvenos en Bruselo la 19an de marto, okaze de la inaŭgura sesio de la nova Parlamento, unuafoje sub la prezido de la ĵusa Konsulo, sen. Giorgio Silfer.

Benino: ILEI-seminario mistere vualita

HeKo 326 1-B, 11 mar 07

Radojica Petroviĉ, prezidanto de ILEI, la 25an de februaro 2007 dissendis la suban informon:

Internacia Virina Tago 2007

HeKo 325 9-C, 8 mar 07

Nur post dek tagoj ni ekoﬁcos kiel Konsulo kaj Vickonsulo, sed ni estas certaj ke la nuna Konsulo, c-ano Walter Zelazny, permesas al ni roli unuafoje kiel proparolistoj de la Esperanta Civito, ĉar hodiaŭ estas escepta tago.

Pli da postenoj ol kandidatoj

HeKo 325 8-A, 7 mar 07

Ĉu eblas ke en demokratio estu malpli da kandidatoj ol postenoj en konkuro? “Jes, eblas, kaj tio estas interpretebla nur en unu maniero: ke la demokratio krizas”, komentarias Giorgio Silfer, profesie politologo kaj parlamenta asistanto dum dek kvin jaroj.

La speso estus centjara

HeKo 325 7-B, 7 mar 07

En 1907 unu el la grandaj ĝenevaj pioniroj, René de Saussure, elpensis internacian monunuon, la “esperanton” de la valutoj. Li nomis ĝin speso, asonance al spezi, la franca espèce, la hispana peso. El tiu ideo (kaj neologismo) ĝermis en Londono la Ĉekbanko Esperantista de H. F.

Serĉo

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.