Per sukcesa ekzameno en Malago ĉe la naturamika Esperanto-Domo, Anna Bartek ĵus fariĝis la unua persono en Hungario kun C2-nivela diplomo, laŭ la LingvoTesta Sistemo de la Esperanta Civito, kaj fakte entute pri nia lingvo, ĉar nek ITK nek la sistemo reklamata per <edukado.net> havas la nivelon C2.
D-ro Probal Dasgupta okupiĝis pri raŭmismo esence du fojojn en sia vivo. La unuan en 1981, kiam raŭmismo estis nur la Manifesto el Raŭmo 1980, kaj ne ankaŭ postaj dokumentoj (el Varsovio 1984, el Segedo 1988, ambaŭ kun la konsento kaj de Jouko Lindstedt kaj de Giorgio Silfer, aŭtoroj de la Manifesto).
HeKo 517 7-C, 16 okt 12
Jam ŝvebis la ideo kunvoki la Parlamenton de la Esperanta Civito al Burundio, okaze de la afrika konferenco planata por Pasko 2013. La vizoproblemoj por afrikanoj donis la lastan puŝon: la Konsulo kunvokos al Buĵumburo la venontan ordinaran sesion, ĝuste por garantii la partoprenon en nia demokratio al la afrikaj reprezentantoj de la esperanta popolo.
Du “eksterlandanoj” okupas la ĉefajn funkciojn en la kooperativo posedanta Esperanto-Gården en Svedio: nova prezidanto estas Anna Ritamäki-Sjöstrand, finnino, kaj nova sekretario estas svedo loĝanta en Norvegio, d-ro Tomas Jansson. La antaŭa prezidanto, c-ano Lennart Svensson, fariĝis vicprezidanto kaj daŭre prizorgos la Domon.
HeKo 517 5-C, 14 okt 12
La Forumo de la Esperanta Civito, nome la asembleo de la establoj aliĝintaj al la Pakto, debatis hieraŭ en Malago pri la stato kaj perspektivoj de la esperanto-mondo.
HeKo 517 4-C, 13 okt 12
Kvindekon da personoj kortuŝis la himno “La standardo blanke-verda”, kantata de Anjo Amika laŭ teksto de Giorgio Silfer, je la inaŭguro de la naturamika Esperanto-Domo en Malago, hieraŭ tagmeze, post la bonveniga saluto de sen. Julio Herrero, prezidanto de Esperanta Naturamikaro.
HeKo 517 1-C, 10 okt 12
HeKo 516 9-C, 9 okt 12
HeKo 516 7-C, 7 okt 12
La Forumo de la Esperanta Civito decidos pri kelkaj kazoj, dum sia ordinara sesio en Malago, 13 oktobro 2012.
La unua koncernas la definitive ĉesintan establon “Debrecena Bulteno” (Hungario). Al ĝi estos aplikita la artikolo 10, litero a) de la Pakto.
