Estimata Prezidanto, estimata Kanceliero,

Nome de la Esperanta Civito, kiun vi honoris per invito al ĉi tiu grava tago, ni partoprenas en la ĝojo pro la ĵusa promulgado de la Konstitucia Ĉarto de la Kabinda Respubliko, ĉi tie en Bruselo, ene de palaco de Eŭropa Unio.

“Verdaj vojo” estas usona koncepto. Ili ne estas simple sinonimo por ciklovojo, ĉar ili devas respondi al pli rigoraj normoj rilate al deklivo, larĝeco kaj alireblo por diversaj uzantoj.

Sub la kunordigo de sen. prof. Giorgio Silfer, kiu kune kun d-ino Meg Bianchi reprezentas Kulturan Centron Esperantistan ĉe la ALTE (Asocio de Lingvotestistoj en Eŭropo), verva studgrupo okupiĝis pri didaktika materialo prepare al lingvotestaj sesioj, lastan semajnfinon en la Esperanto-Domo en Ĉaŭdefono.

Estas plenumita la unua selekto de partoprenontoj en la tria Afrika Esperantologia Semajno, okazonta en Buĵumburo komence de marto 2011.

C-ano Adjévi Adjé plendis publike ke “malhelpoj ankaŭ montriĝis kaj ni ne komprenis kial neniu el la Esperanto-Klubo Unuiĝo de Verdaj Amikoj (UVA)  estas en la renovigitaj gvidorganoj de Unuiĝo Togolanda por Esperanto, kvankam kelkaj bone kandidatiĝis kaj provis siajn kapablojn dum antaŭaj jaroj labori por la asocio.” Antiraŭmisto legis tion en diskutlisto kontrolata de

Kreskis la stabo de Kultura Centro Esperantista en 2011: pli da deĵorantoj kaj pli da komitatanoj. Unuafoje fakte la kalendaro de ĉeestoj estas planita tra la tuta jaro, kun kvin deĵorantoj (el Rusio, Pollando, Kroatio, Israelo, Bulgario) kiuj kovros la monatojn de februaro al decembro, plus unu kuiristino (el Italio) dum la tuta aŭgusto, plus unu faklaboristo por la domflegado.

La hieraŭa jarkunveno de la Esperanto-societo “Sukceso” en Vraco (Bulgario) konfirmis la ĝisnunan estraron por unu plia jaro: Sneĵinka Angelova (prezidanto), Ljubomir Trifonĉovski (vicprezidanto) kaj Kiril Borisov (sekretario).

Kultura Centro Esperantista, kiel ekskluziva komisiito de la Esperanta Civito por administri la lingvotestan sistemon inspiritan de la Komuna Eŭropa Framo de Referenco, ricevis du demandojn pri la koncernaj diplomoj.

Pro subita akcidento al sia edzino, c-ano Francisko Degoul bedaŭrinde ne povos gvidi la Kulturan Monatfinon de KCE en Ĉaŭdefono, 29-30 januaro 2011.

La programo daŭre antaŭvidas la Asembleon de Kultura Centro Esperantista, je 10h00 matene en dua kunvoko. Posttagmeze, la ĉeestantoj koncentriĝos al la strukturo kaj laborprojektoj de la lernejo.

En decembro 2010 aperis 24-paĝa bruŝuro (formato A4) de sen. Anatolo Gonĉarov: “Esperanto-identeco: citaĵoj kaj komentoj”. La verketon prefacis c-ano Aleksander Melnikov. Eldonis “La Kancerkliniko”, kiu ne la unuan fojon produktas ion de homo kiu havas la esperantan civitanecon.

C-ano d-ro György Nanovfszky, vicprezidanto de la Esperanta PEN-Centro, kaj sen. d-ro Giorgio Silfer reprezentos nian literaturon ĉe la 43a Internacia Poezia Konferenco en Bledo, 4-8 majo 2011.

Vikipedio (en la angla) plenumis la unuan jardekon de sia vivo. Ĉi tiu eldona iniciato en la virtuala mondo havis apartan eĥon en Esperantio, precipe ĉar la esperanta varianto ne respondas al la kriterioj de klerigo kaj kleriĝo kiuj devus karakterizi la vikipedian projekton entute.