Heroldo Komunikas | Heroldo Komunikas

La vizito de la Vickonsulo en Togolando

HeKo 587 4-C, 11 dec 12

Laŭ invito de la organizantoj, la Vickonsulo reprezentos la Esperantan Civiton ĉe la 6a Afrika Kongreso de Esperanto, en Anyron-Kope 20-25 decembro 2015. La 21an de decembro sen. Giorgio Silfer festparolados ĉe la kongresa inaŭguro, kadre de la ĉeftemo “Unua tasko nia”.

Legu pli pri La vizito de la Vickonsulo en Togolando

Pri informado, en la Tago de la Homaj Rajtoj

HeKo 587 3-C, 10 dec 15

Hodiaŭ datrevenas la Universala Deklaracio pri la Homaj Rajtoj, sed la Tago pasis en plena neglekto: eĉ la Ĝenerala Sekretario de Unuiĝintaj Nacioj ne dissendis specifan gazetaran komunikon, kaj certe el Universala Esperanto-Asocio (havanta nenion por traduki; sed ĉu ĝi ne havas ion propran por diri tiurilate?) ne eĥis iu mesaĝo.

Legu pli pri Pri informado, en la Tago de la Homaj Rajtoj

Esperanta PEN asembleos en Budapeŝto

HeKo 587 2-B, 9 dec 15

Post rapida sondado ĉe la membraro la prezidanto de Esperanta PEN-Centro, c-ano Bertil Nilsson, decidis kunvoki la Asembleon en Budapeŝto, ĉe la nova sidejo de la Orienta legacio de la Esperanta Civito. La Asembleo koincidos kun la tagoj de ARTE — Arta Renkonto Transnacia en Esperanto, komence de aŭgusto 2016.

Legu pli pri Esperanta PEN asembleos en Budapeŝto

Zamenhofa festo en Malago kun nova popolo

HeKo 587 1-B, 8 dec 15

“Agrable surprizas min la apero de pluraj novaj kaj junaj vizaĝoj ĉe la hodiaŭa zamenhofa festo en Malago, kompare kun tiuj de la pasinta jaro” rimarkis c-ano Bertil Nilsson okaze de la hodiaŭa komuna festo de Esperanta Naturamikaro kaj la loka societo “Marbordo de la Suno” ĉe la Esperanto-Domo de Andaluzio.

Legu pli pri Zamenhofa festo en Malago kun nova popolo

Esperanto Gården ne plu rolas kiel esperanto-domo

HeKo 586 9-A, 7 dec 15

La kooperativo Esperanto-Gastigejo en Lesjöfors (Svedio) deﬁnitive prepariĝas por akcepti 50-60 azilpetantojn. Nur “kelkaj ĉambroj restos je dispono por la tranoktigo de vizitantaj dungitoj, volontuloj kaj kooperantoj” precizigas la prezidanto de Esperanto Gården, s-ino Anna Riitamäki-Sjöstrand, rezidanta en la alanda arkipelago (Finnlando).

Legu pli pri Esperanto Gården ne plu rolas kiel esperanto-domo

Zebrowski: de inta prezidanto al onta oficisto?

HeKo 586 8-A, 7 dec 15

Tutmonda Esperantista Junulara Organizo dungas du oﬁcistojn por duontempa administra kaj publikrilata laboro. La salajro ne ŝajnas bagatela, ĉefe laŭ orienteŭropaj (sed ankaŭ sudeŭropaj) parametroj: la duono de preskaŭ mil okcent eŭroj. Des pli ke ne necesus setli en Nederlando (sed eble ĝuste tian rezidon iuj strebas).

Legu pli pri Zebrowski: de inta prezidanto al onta oficisto?

La plej aktuala verko pri jogo en esperanto

HeKo 586 7-B, 6 dec 15

Ĵus aperis en esperanto “La perfektiĝo de jogo”, verkita de A. C. Bhaktivedanta Swami Prabhupada, fondinta guruo de la Internacia Societo por Kriŝno-Konscio, kaj presita de lia eldonejo mem en Usono.

Legu pli pri La plej aktuala verko pri jogo en esperanto

Komitata revizianto petas nuligi UEA-baloton

HeKo 586 6-A, 5 dec 15

Eksestrarano de UEA (kreskinta tamen el la SAT-medio nederlanda) kaj nuna Komitata revizianto, Loes Demmendaal petis la senvalidigon de la ĵusa unua perreta voĉdonado (temo estis la aprobo de la protokolo el Lillo), citante la artikolon 7 de la regularo por interreta voĉdonado:

Legu pli pri Komitata revizianto petas nuligi UEA-baloton

Ignat Bociort mortis en Berlino

HeKo 586 5-A, 4 dec 15

La rumana profesoro Ignat Florian Bociort (1924[1968]-2015) mortis hieraŭ vespere en Berlino, kie li rezidis jam de multaj jaroj. Al Berlino ligis lin pli frua universitata lekciado, sed ankaŭ la rilatado kun d-ro Detlev Blanke, kiu enkondukis lin al esperantologio kaj klarigis al li kiel penetri sciencajn mediojn en lando de la “reala socialismo”.

Legu pli pri Ignat Bociort mortis en Berlino

Eŭropa Unio kaj Turkio pli proksimas

HeKo 586 4-E, 2 dec 15

La 29an de novembro 2015 ŝtatestroj kaj ĉefministroj de Eŭropa Unio kunvenis kun la reprezentantoj de Turkio. La kunveno signiﬁs gravan etapon en la disvolvo de la rilatoj inter EU kaj Turkio, kaj kontribuis al la mastrumo de la migra krizo.

Legu pli pri Eŭropa Unio kaj Turkio pli proksimas

Konvalesko de la vickonsulo pri klerigado

HeKo 586 3-C, 29 nov 15

C-ino Perla Martinelli, vickonsulo pri klerigado, konvaleskas en Andaluzio post longa operacio en privata kliniko. Tial ĝis la jarﬁno ŝi ne povos plenumi taskojn rilate al sia oﬁco.

Ankaŭ la korespondado pri ŝiaj oﬁcoj en LF-koop lamos. Rilate al Esperanta Naturamikaro, kies sekretario ŝi estas, ŝin anstataŭas la prezidanto, sen. Julio Herrero.

Legu pli pri Konvalesko de la vickonsulo pri klerigado

Geaktoroj lernas esperanton en Andaluzio

HeKo 586 2-B, 28 nov 15

Sukcesa realigo de la ĵusa intensiva A-kurso, organizita de Esperanta Naturamikaro en la Esperanto-Domo de Malago, 24-28 novembro 2015. Laŭ propra metodo, bazita sur la Ekzercaro de la Fundamento, instruis prof. Giorgio Silfer.

Legu pli pri Geaktoroj lernas esperanton en Andaluzio

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.