Daŭris multe pli ol esperite la preparo de la “strategia vizio” por Universala Esperanto-Asocio, fare de komisiono Fettes. Pro tioma malfruo ne mankis polemikaj sinesprimoj en la Komitato de la asocio. En dato 29 marto 2012 fine la Komisiono pri Strategiaj Demandoj, estrata de Mark Fettes, dissendis sian raporton, titolitan “Strategia vizio de UEA”.
HeKo 504 8-C, 22 apr 12
La prokuristo de Fondumo Pro Esperanto ricevis hodiaŭ la ŝlosilon de la trietaĝa nemoveblaĵo en Malago, kiu 12 oktobro 2012 matene estos inaŭgurita kun granda festo kiel la Esperanto-Domo en Andaluzio.
HeKo 504 9-C, 23 apr 12
La retejo www.esperantio.org estis kreita de Esperanto Radikala Asocio antaŭ la unua Forumo por la Esperanta Civito (1998). Kompreneble ĝi estis ĉiam posedaĵo de ERA, kiu tamen klopodis vendi la domajnon jam en 2002.
Atingas 2,3 miliardojn da eŭroj la sumo disdonita al la partioj ekde 1994 ĝis hodiaŭ en Italio. Tamen la anglalingva koloniado kostas 26-oble al la italoj, nome 60 miliardojn da eŭroj. Kaj ne dum 17 jaroj, sed ja ĉiujare! Dume al ĉiuj civitanoj de Eŭropa Unio, ne denaske anglalingvaj, tiu koloniado kostas 350 miliardojn jare.
Originala literaturo en la aprila numero de la 43a jarkolekto: Lina Gabrielli kun poemo uverture kaj István Nemere per rakonto, kiu ligas la ĉi-jaran sinkon de “Costa Concordia” kun la tiu de “Titanic” precize antaŭ cent jaroj. “Pasis la temp’… kaj finiĝis danco”: Carlo Minnaja omaĝas la ĵus forpasintan poetinon Eli Urbanová.
Prof. d-ro Paolo Valore, de la Milana Universitato, renkontis hieraŭ d-ron Giorgio Silfer, membron de la Scienca Komitato de Itala Interlingvistika Centro. Ili diskutis pri eblaj sinergioj inter la Centro kaj la iniciatoj de prof. Valore rilate interlingvistikon.
